ہيوگو شاويز اور لاطيني امريکا ميں استعمار مخالف مجاہدت

ابنا: ہيوگو شاويز نے تقريبا چودہ سال قبل ايسے عالم ميں صدارتي اليکشن جيت کے ملک کي قيادت سنبھالي کہ ونيزوئلا واشنگٹن کے مدار ميں تھا اور اس ملک کے مالا مال ‍قدرتي ذخائر اور  تمام شعبے امريکا کے تسلط ميں تھے –انيس سو نناوے تک ونيزوئلا کے تيل کي آمدني چند کثير القومي کمپنيوں کي جيب ميں جاتي تھي  اور اس ملک کے حکام نے  واشنگٹن کي پشتپناہي سے عوام کي سرکوبي کا نظام قائم کررکھا تھا –      ہيوگو شاويز نے اليکشن  جیتنے اور بر سر اقتدار آنے کے بعد انقلابي اقدامات کئے ، سياسي و اقتصادي ميدانوں ميں ظلم و زيادتي اور عوام دشمن نظام ختم کرکے  لاطيني امريکا ميں استعمار کے خلاف انقلابي مجاہدت کا آغاز کيا - انہوں نے ملک ميں سرگرم، غير ممالک سے وابستہ تمام بڑي کمپنيوں کو قومي تحويل ميں لے ليا اور ملک ميں آراضي کي اصلاحات شروع کيں -انہوں نے اپنے انقلابي اقدامات سے ايک طرف غير ملکي کمپنيوں اور ان سے وابستہ ملکي عناصر کے ذريعے ملک و قوم کي دولت و ثروت کي لوٹ مار کا خاتمہ کيا اور دوسري طرف ملک کے عوام کے درميان دولت و ثروت کي منصفانہ تقسيم کا نظام رائج کيا - انہوں نے ملک کے غريب اور کم آمدني والے طبقے پر جو اکثريت ميں تھا زيادہ توجہ دي -

ہيوگو شاويز نے وہي راستہ اختيار کيا جو ونيزوئلا اور خطے کے عوام کي خواہش تھي - لاطيني امريکا کے ملکوں پر دسيوں سال سے امريکا سے وابستہ آمر حکومتوں اور کثير القومي کمپنيوں نے اپني لوٹ مار اور غارتگري سے عوام کے اندر استبداد اور استعمار کے خلاف جذبات بڑھاديئے تھے-ہيوگو شاويز نے عوام کے جذبات کے مطابق عمل کيا اور لاطيني امريکا ميں استعمار مخالف انقلاب کي بنياد رکھي -

اس کے بعد ونيزوئلا اور لاطيني امريکا کے ديگر ملکوں ميں جو انتخابات ہوئے، عوام نے رياستہاي متحدہ امريکا سے وابستہ قدامت پسند پارٹيوں کو مسترد کرديا اور استعمار مخالف، نيز آزادي و خودمختار ي کے طرفدار رہنماؤں کا ساتھ ديا  اور تھوڑے ہي عرصے ميں نيکارا گوئے سے ليکر چلي تک استعمار مخالف انقلابي رہنما برسراقتدار آگئے -

   لاطيني امريکا ميں ہيوگو شاويز نے بائيں بازو کي ايک نئي تحريک کا آغاز کيا جو کلاسيکل بائيں بازو کي تحريک سے مختلف ہے -بائيں بازو کي يہ تحريک کميونسٹ آئيڈيا لوجي پر استوار نہيں ہے بلکہ يہ مکمل طور پر ايک مقامي تحريک ہے جس نے لبرل اور سرمايہ دارانہ نظام کي مخالفت کي ليکن طبقاتي اختلافات کو ہوا نہيں دي -  ہيوگو شاويز کي  اس تحريک کے نتيجے ميں  لاطيني امريکا ميں عادلانہ حکومتي نظام  وجود ميں آئے جو مکمل طور پر عوامي کہے جاسکتے ہيں - يہي وجہ ہے کہ آج ہيوگو شاويز کے بدترين دشمن بھي ان کي خدمات کا اعتراف کرنے اور ان کے سامنے سرتسليم خم کرنے پر مجبو ہيں.

.....

/169